(سبهی):
وا بڕیاره له رۆژی ڤالانتایندا و بۆ پرۆژهی به نهتهوهییكردنی سێوی مێخهكڕێژ گۆڤاری تاوی فۆتۆگرافی فایلێكی تایبهت بهو پرۆژهیه دهربكهن.
پرۆژهی به نهتهوهییكردنی سێوی مێخهكڕێژ كه له 14/2/2010 له زیاتر له 40 شار و شارۆچكه بهڕێوهدهچێ گۆڤاری تاو فایلێكی تایبهت بهو پرۆژهیه دهربكهن.
لهمبارهیهوه سۆنیا سدیق سهرنوسهری گۆڤاری تاو رایگهیاند: له سهرهتادا وابڕیاربو ئێمه ئهو ژمارهیه تایبهت بكهین بهو پرۆژهیه، بهڵام دواتر كه بیرمان كردهوه و لهبهرئهوهی بهشی زۆری فۆتۆكان له ژمارهكانی پێشوی گۆڤارهكهمان بڵاوببونهوه، بۆیه نهدهكرا فۆتۆكان دوباره بڵاوبكهینهوه، بۆیه بڕیارماندا لهو ژمارهیهی كه لهو رۆژدا دهردهچێ فایلێكی تایبهت بهو پرۆژهیهو بهو رۆژه ئامادهبكهین و ئهو فۆتۆیانهی پێشتر لای ئێمه بڵاونهبونهتهوه بڵاویان بكهینهوه لهگهڵ ئهو 3 فۆتۆیهی كه وهكو باشترین سێ فۆتۆ له پێشبڕكێكی فۆتۆكان ئهنجامیان بهدهست هێناوه.
ههروهها سهیوان سهعیدیانیش وتی:گۆڤاری تاو هاوكارێكی سهرهكی بهشی فۆتۆگرافی پرۆژهكه بون و سوپاس و رێزی خۆمیان ئاراسته دهكهم.
به پێشنیاری ئهو بهرێزانه بڕیاری كردنهوهی فایلێك تایبهت بهو پرۆژهیه درا و به هۆی هاوتهریب بونی لهگهڵ ئامانجی پرۆژهكه پێشوازی بڕیارهكه كرا. خۆشهویستی و ئاشتی دو فاكتهری سهرهكی بۆ پێشهوهچونی كۆمهڵگایهكی تهندروست. هیوادارم ههمومان بۆ گهیشتن و چێكردنی ژیانێكی مرۆڤانه و دور له توندوتیژی شانبهشانی یهكدی تێبكۆشین. به تایبهت ئهو كهسانهی له بواری جوانیناسیدا كار دهكهن.
مهسعودی مهلا ههمزه