(سبهی):
دوهی ژمارهكا زۆرا قوتابیان ل خونیشاندانهكێدا چونه بهرامبهر قائمقامیهتا قهزا ئامێدیێ و ل یاداشتنامهكێدا داخازكر شێوازێ كرمانجی ل قوتابخانێن دهڤهرا بههدینان بهێت خاندن.
ل سهرڤێ چهندێ شهریف فهتاح بهرپرسێ لقا ئامێدیێ ئێكهتیا قوتابێن كوردستانێ بۆ سبهی راگههاند كۆ ل گێ خونیشاندانێدا پتر 400 قوتابیان پشكداری تێدا كر بو ل قوناغێن بنهرهتی و ئامادهیی ل قوتابخانێن سهر قهزا ئامێدیێ ڤه هاتبون تێدا ل رێپیڤانهكێ بهرامبهر لق ئامه بۆ بهرهڤ قائمقامیهتا ئامێدیێ رێكهفتن چهندین لافیتهو هوتافات دان كۆ زمانێ كرمانجی ئانكۆ بههدینی ل دهڤهرا بههدین لێ ئاكنجی قوتابخاناندا بهێت پهیرهوكرن.
پشتی هنگی ب بهرههڤبونا قائمقام و رێڤهبهرێ قهزا ئامێدیێ یاداشتنامهك پێشكێش كر تێدا داخازا سهرهكی ئانكۆ بكارئینانا كرمانجی ل دهڤهرا بادینان ل قوتابخانان بهێت پهیرهوكرن قائمقامی ژی سوزدان كۆ كازندهو داخازا وان بگههینیته جهێن بلندتر وهكی جڤاتا پارێزگهها دهوكێ بهرچاڤ وهربگرن ز شهریف فهتاح بۆ سبهی دیاركر ژی ههرچهنده نۆكه حهتا حهفتێ بنهرهتی زمانێ كرمانجی دهێت بكارئینان و بهرهڤ سهری دچیت بهلێ نوكهژی هزاران قوتابی دبنه قوربانیێن زاراڤا سورانی.
ناڤبری گوتژی ل هیتاڤ و لافیتێن خۆ نیشاندهراندا دژایهتیا هیچ زاراڤهكێ نهبو بهلكو ههر زاراڤهك ل جهێ ئاكنجی یێن خودا ل پهتوكێن قوتابیاندا بكار بینیت.
ههروسا تێدا هاتبو كونترۆلهكێ تایبهت بۆ پولا دوازدێ ئامادهیی ماموستایێن بادینی ل پارێزگهها دهۆكێ بهێت دانان چونكی ماموستایێن سوران زاراڤێ بادینی تێناگههن ل وهختێ پشكنینێدا ئهگهر بهرسڤ یا دروست ژی بیت نمرێ نادهنێ.
سهبارهت وێ چهندێ كا تنێ رێكخروا وان ڤێ چهندێ رابویه بهرپرسێ لقا ئامێدیێ ئێكهتیا قوتابیێن كوردستانێ گوت ئهڤه داخازیا ههمی قوتابیان بو ژبلی ئهندامێن مه كۆ مه سهرپهرشتی ل سهر كر ئهندامێن رێكخراوا خوێندكاران و گهشهپێدانا قوتابیێن كوردستانێ و قوتابیێن سهر گوران ڤه ل ناڤ خۆ نیشاندانێ بون ئهڤ چهنده هات كرن چونكی ل دیڤ بوچونێن قوتابیان و دیڤچونێن مه كری خالا ههره سهرهكی یا لاوازبونا ئاستێ خاندنێ بكارئینانا زاراڤێ سورانی یه ل دهڤهرا بههدینان.
گۆڤهند ئامێدی