(سبهی):
له بودجهی پهرهپێدانی پارێزگاكانی عێراق، پارێزگای كهركوك تهنها 115 ملیار دیناری بهركهوتوهو پارێزگاری كهركوكیش ئاماژه بهوه دهكات، كه ئهو بودجهیه كهمهو تهنها بهشی ئهنجامدانی ژمارهیهك پرۆژهی بچوك دهكات.
عهبدولڕهحمان مستهفا، پارێزگاری كهركوك راگهیاند، كه كهركوك شارێكی گهورهیه و پێویستی زۆری به ئهنجامدانی پرۆژهی خزمهتگوزاریی ههیه، وتیشی: لهو بودجه كهمهی بۆمان تهرخانكراوه 15 ملیار دیناری بۆ قهزای تازه تهرخانكراوهو بهشێكی تریشی بۆ تهواوكردنی ئهو پرۆژانهی پێشو دهبێت كه هێشتا تهواونهكراون.
پارێزگاری كهركوك ئاماژهی بهوهشكرد، كه وهزارهتهكانی حكومهتی عێراق وهك پێویست بهدهنگ داخوازییهكانی كهركوكهوه نههاتون و جیاوازیی لهنێوان شارهكهمان و شارهكانی تردا دهكهن، لهڕوی ئهنجامدانی پرۆژهی خزمهتگوزارییهوه.
CAM