(سبەی):
بەرکەوتوییەکی
دیکەی کیمیابارانی هەڵەبجە گیانی لەدەستدا و بەوەش ژمارەی ئەو بریندارانەی لە
چاوەڕوانی چارەسەردا گیانیان لەدەستداوە گەیشتە (109) کەس.
کۆمەڵەی
قوربانیانی کیمیابارانی هەڵەبجە بڵاوی کردەوە؛ دوای ململانێیەکی سەخت لەگەڵ کاریگەرییەکانی
کیمیاباران لەسەر جەستەی، ئەمڕۆ دوشەممە (18/3/2019) هاوڵاتی (کوبرا عەبدوڵا بارام)
یەکێک لەبەرکەوتوانی کیمیابارانی هەڵەبجە شەهید بو.
کۆمەڵەی
قوربانیان بڵاوی کردەوە؛ بە گیانلەدەستدانی ئەو بریندارە، ژمارەی ئەو بەرکەوتوانەی
لەچاوەڕوانی چارەسەر و بەکاریگەریی چەکی کیمیایی گیانیان لەدەستداوە، بۆ (109) شەهید
بەرز بوەوە.
رۆژی (16/3/2019)
یادی (31) ساڵەی کیمیابارانی هەڵەبجە لە مۆنۆمێنتی شەهیدان کرایەوە، داواکاریی
سەرەکیی کەسوکاری قوربانیان و برینداران، چارەسەرکردنی بریندارانی چەکی کیمیایی بو
کە چەندین ساڵە بەدەست ئازارەوە دەناڵێنن.