(سبەی):
لە زیندانێکی
تاجیکستان (29) ئەندامی داعش کوژراون و ژمارەیەک پاسەوانیش دوای بە بارمتەگرتنیان
بە چەقۆ کوژران.
ئاژانسی نۆڤستی
روسیا لەسەر زاری وەزیری دادی تاجیکستانەوە بڵاوی کردەوە؛ ژمارەیەک چەکداری پێشوی
داعش کە سزا دراون و ماوەی سزاکەیان لە زینداندا بەسەر دەبەن، هێرشیان کردوەتە سەر
ژمارەیەک پاسەوانی زیندانەکەیان و دوای بەبارمتەگرتنیان سێ پاسەوانیان بە چەقۆ
کوشتوە.
ئاماژەی
بەوەکردوە؛ بەهۆی ئەو ئاژاوە و ئاڵۆزییەی لەناو زیندانەکەدا دروست بوە (29)
ئەندامی داعش کوژراون، هەشت لەو کەسانەش لەلایەن هاوڕێ زیندانەکانی خۆیانەوە
کوژراون.
وەزیری داد
ئاشکرای کردوە؛ ئەوە دوەم روداوی هاوشێوەیە لەو زیندانە و سەرەتا ئەو ئەندامانەی
داعش داوایان کردوە ئازاد بکرێن و دەستیان بە خۆپیشاندان کردوە، دواتر دەستیان بە
ئاژاوە نانەوە و هێرش کردوە و بەهۆیەوە ئەو روداوەی لێکەوتوەتەوە.
ئەو زیندانەی کە
ئاڵۆزییەکانی لێ دروست بوە دەکەوێتە دوری (15) کیلۆمەتر لە رۆژهەڵاتی شاری
دوشەممەی پایتەختی تاجیکستان و (1500) زیندانیی تێدا بەندکراوە.