(سبەی):
نوێنەری ئێران
هۆشداریی دەدات لە رودانی جەنگ لە رۆژهەڵاتی ناوەڕاست و نەتەوەیەکگرتوەکانیش داوای
هێوربونەوەی دۆخەکە لە واشنتۆن و تاران دەکات.
مەجید تەخت
رەوانچی، نوێنەری کۆماری ئیسلامی ئێران لە رێکخراوی نەوتەوەیەکگرتوەکان لە
نامەیەکدا بۆ ئەو رێکخراوە، هۆشداریی دەدات لە ئەگەری پەرەسەندنی تەنگەژەکان لە
رۆژهەڵاتی ناوەڕاست جەنگ رو بدات و وڵاتەکەشی بە مافی خۆی دەزانێت، بەرگریی لە
بەرژەوەندییەکانی بکات.
رەوانچی لە
نامەکەیدا نوسیویەتی؛ بە راشکاوانە رایدەگەیەنین وڵاتەکەمان مافی خۆیەتی لە ئەگەری
سەرهەڵدانی جەنگ بەرگریی بکات و وەڵامی هەر پەلامارێک بداتەوە و ئاگری ئەم جەنگەش
جگە لە رۆژهەڵاتی ناوەڕاست، جیهانیش دەگرێتەوە.
لەلایەکی دیکەوە ئەنتۆنیۆ
گۆتێرێس، سکرتێری رێکخراوی نەتەوەیەکگرتوەکان، داوای لە ئەمەریکا و ئێران کردوە
ئاستی جەنگی زارەکی کەم بکەنەوە بۆ ئەوەی تەنگەژەکان پەرەنەسێنێت و نەبێتە هۆی
هەڵگیرسانی جەنگ لە ناوچەکە و جیهاندا.