(سبەى)
دوای ئەوەی ئەمڕۆ کەسێک لە زاخۆ بە فیشەک دایک و براکەی خۆی کوشت و خۆیشی بریندارکرا، لە نەخۆشخانە گیانی لەدەستدا.

ئەمیر عەلی، بەرپرسی راگەیاندی نەخۆشانەی فریاکەوتنی زاخۆ بە (سبەی) راگەیاند؛ ئەو تۆمەتبارەی ئێوارەی ئەمڕۆ پێنجشەممە (16/1/2020) بە دەستڕێژی گولـلە دایک و برایەکی خۆی کوشت کە تەمەنیان (45 ساڵ و 20 ساڵ) بوە و پۆلیسێکی بەرگری شارستانی بریندارکرد، لە نەخۆشخانە گیانی لەدەستدا.

ئاماژەی بەوەشکرد،: بکوژەکە تەمەنی (23) ساڵە و دوای برینداربونی لە روبەڕوبونەوەی پۆلیسدا، گەیەندراوەتە نەخۆشخانەی فریاکەوتنی زاخۆ، بەڵام بەهۆی سەختی برینەکەیەوە گیانی لەدەستدا و تەرمەکەشی رەوانەى پزیشکی داد کراوە.

دهۆک - مەسعود هادی