کوردستان
08:08 - 10/07/2020
توشبونی (211) کەسى دیکە بە کۆرۆنا لە هەرێم راگەیەندرا
(سبەی):
وەزارەتى تەندروستى هەرێم،
توشبونى (211) کەسى دیکەى بە ڤایرۆسى کۆرۆنا راگەیاند.
لە راگەیەندراوێکدا، وەزارەتى
تەندروستى، ئامارى (24) سەعاتى رابردوى دۆخى کۆرۆناى لە هەرێمى کوردستان بڵاو کردەوە
و بە پێى ئامارەکەش، (211) توشبوى نوێى ڤایرۆسى کۆرۆنا تۆمارکراون کە (70 لە هەولێر)،
(71 لە سلێمانى)، (10 لە دهۆک)، هەروەها (47) لە گەرمیان و (13) حاڵەت لە هەڵەبجە.
سەبارەت بە ئامارى
چاکبوەکانیش، لە راگەیەندراوەکەدا ئەوە هاتوە کە (139) توشبو دواى وەرگرتنى چارەسەرى
تەواوەتى چاکبونەتەوە بەم شێوەیە: (124 لە هەولێر)، ( 8 لە گەرمیان) (2 لە دهۆک)،
(5 لە هەڵەبجە).
باسى لەوەش کردوە، لە
(24) سەعاتى رابردودا (11) حاڵەتى گیان لەدەستدا بە کۆرۆنا هەبوە کە (2) لە هەولێر
و (7) لە سلێمانی و دو حاڵەتیش لە گەرمیان.
بەوەش کۆى توشبوانى هەرێم
گەیشتوە بە هەشت هەزار و (937) کەس، لەو ژمارەیەش سێ هەزار و (211) کەس چاکبونەتەوە
و پێنج هەزار و (421) توشبوش لە نەخۆشخانەکاندا ماونەتەوە و (305) توشبوش گیانیان
لەدەستداوە.