(سبەى):

بەیانى ئەمڕۆ یەکەمین تاقیکردنەوەى کۆتایی ساڵى (12)ـى ئامادەیی لە هەرێمى کوردستان دەستیپێکرد و جیاواز لە ساڵانى رابردو ئەمساڵ مامۆستایان و خوێندکاران پابەندى رێنماییەکانى تەندروستین.

ئەمڕۆ شەممە، بە بەشدارى زیاتر لە (144) هەزار خوێندکار یەکەمین تاقیکردنەوەى کۆتایی ساڵ دەستیپێکرد کە لەو ژمارەیە (51) هەزار و (453) خوێندکار لە شارى هەولێرن و (40) هەزار و (405) قوتابى لە شارى سلێمانى و (42) هەزار و (965) لە شارى دهۆک و (2366) خوێندکاریش لە پارێزگاى هەڵەبجە بەشدارى تاقیکردنەوەکان دەکەن.

ئەوە لە کاتێکدایە ئەمساڵ بەهۆى بڵاوبونەوەى ڤایرۆسى کۆرۆناوە دەرگاى قوتابخانەکان زوتر لە وادەى خۆیان داخران، لە کاتى ئەنجامدانى تاقیکردنەوەکانیشدا پێویستە مامۆستایان و خوێندکاران پابەندى رێنماییە تەندروستییەکان بن،  هەفتانە دو تاقیکردنەوە ئەنجام دەدرێت و لەکاتى ئەنجامدانى تاقیکردنەوەکانیشدا بۆ ماوەى چەند سەعاتێک هێڵى ئەنتەرنێت لە هەرێمى کوردستان رادەگیرێت.