(سبەی):
شانەی راگەیاندنی ئەمنی بڵاویکردەوە، ئەمڕۆ هەینی لەرێگەی فڕۆکەی (ئێف – 16)ەوە، (19) جار پێگەکانی داعش لە چیای حەمرین بۆردومان کراوە.

شانەی راگەیاندنی ئەمنی لە راگەیەندراوێکدا ئاماژەی بەوەکردوە، ئەمڕۆ هەینی (26/3/2021) لەرێگەی فڕۆکەی جەنگی جۆری(ئێف – 16)ەوە (19) جار پێگە و مۆڵگەکانی داعش لە زنجیرە چیاکانی حەمرین بۆردومان کراون.

ئاماژە بەوەشکراوە، بۆردومانەکە پشتبەستوبو بە زانیاری هەواڵگری ورد لە دەزگای روبەڕوبونەوەی تیرۆر و شانەی هەواڵگری فەرماندەیی ئۆپەراسیۆنە هاوبەشەکان.

شانەی راگەیاندنی ئەمنی دەڵێت: بۆردومانەکە ئامانجەکانی خۆی پێکا و چەندین پێگە و ئەشکەوت و مۆڵگەی خۆحەشاردانی چەکدارانی داعش لەناوبران.