(سبەى):

رۆژنامەیەکى ئێرانیى بلاوى دەکاتەوە کە ئاستی بازرگانیی نێوان ئێران و سوریا تا دو ساڵی دیکە دەگاتە یەک ملیار و (500) ملیۆن دۆلار.

رۆژنامەی (دنیای ئیقتیساد) ئەهلی و ئابوریی، لە ژمارەى رەمڕۆیدا بە ناونیشانی ( بەرنامەی ئێران بۆ گەشەی هەناردەکردن بۆ سوریا) لە زارى بەڕێوبەری نوسینگەی وڵاتانی عەرەبی و ئەفەریقا لە ناوەندی گەشەی بازرگانیی ئێرانەوە بڵاوى کردەوە ؛ لە (11) مانگی ساڵی رابردودا ئێران نزیکەی (104) ملیۆن دۆلار کاڵای رەوانەی سوریا کردوە کە بەراورد بە ساڵێکی پێشتر، ئاستی هەناردەکردنەکە لە روی نرخەوە (34%) و لە روی قەبارەوە (43%) دابەزیوە و هۆکاری سەرەکیی دابەزینی بازرگانیی نێوان هەردو وڵاتیش بۆ بڵاوبونەوەی ڤایرۆسی کۆرۆنا دەگەڕێتەوە.

ئاماژەى بەوەشکردوە کە ئێران پلانی هەیە ئاستی هەناردەکردنی کاڵا و شتومەک بۆ سوریا بەرز بکاتەوە بەشێوەیەک: "دەیەوێت تا دو ساڵی داهاتو ئاستی هەناردەکردنی بۆ ئەو وڵاتە بگەیەنێتە بەهاى نزیکەی یەک ملیار و (500) ملیۆن دۆلار لە ساڵێکدا".