(سبه‌ی):
به‌هۆی
سزا ئابوریه‌كانی ئه‌مه‌ریكا‌وه، وێستگه‌ی ئه‌تۆمی بوشه‌هری ئێران له ژێر هه‌ڕه‌شه‌ی
داخستندایه.
ئه‌مڕۆ
دوشه‌ممه، مه‌حمود جه‌عفه‌ری، به‌ڕێوه‌به‌ری رێكخراوی وزه‌ی ئه‌تۆمی ئێران رایگه‌یاند؛
به‌هۆی سزا ئابوریه‌كانی ئه‌مه‌ریكا بۆسه‌ر ئێران و رێگریكردن له گۆڕینه‌وه‌ی
دراوه‌كانی بۆ دابینكردنی پێداویستیه‌كانی، وێستگه‌ی ئه‌تۆمی بوشه‌هری له‌ژێر هه‌ڕه‌شه‌ی
داخستندایه.
وتیشی:"بەلەبەرچاوگرتنى
دۆخى پەیوەندییە نێودەوڵەییەکان لەگەڵ ئێران و ئەو کێشانەى بۆى دروستبوە لە
رەوانەکردنى پارە بەهۆى سەپاندنى سزا بەسەر بانکەکانى ئێراندا، گرفت و بەربەست
هەیە لەبەردەم دانان و رەوانەکردنى پارە بۆ دابینكردنی پێداویستییه‌كانی وێستگه‌كه".
ئاماژه‌ی بۆ ئه‌وه‌كرد،
ئه‌گه‌ر چاره‌سه‌رێك بۆ كێشه‌كان نه‌دۆزرێته‌وه له ئه‌مساڵدا (2021) وێستگه‌ی
بوشه‌هر هه‌ڕه‌شه‌ی له‌كار وه‌ستاندن و
داخستن ده‌بێته‌وه.
جه‌ختیكرده‌وه؛
پێشتر ده‌سه‌ڵاتدارانی ئێران له‌ڕێگه‌ی كۆمپانیا به‌ڵێنده‌ره‌كانی روسیاوه هه‌وڵی
گۆڕینه‌وه‌ی دراویان داوه، به‌ڵام سه‌ركه‌وتو نه‌بون.
ئه‌مه له كاتێكدایه، وڵاتانی ئه‌وروپا له
هه‌وڵی رازیكردنی ویلایه‌ته یه‌كگرتوه‌كانی ئه‌مه‌ریكا و ئێراندان بۆ دانیشتن له‌سه‌ر
رێككه‌وتنه ئه‌تۆمیه‌كه‌ی ساڵی (2015)ـی نێوان هه‌ردو وڵات، ئێران رایگه‌یاندوه بڕوایان به به‌ڵێنه‌كانی ئه‌مه‌ریكا نییه و به‌مه‌رجی هه‌ڵگرتنی
سزا ئابورییه‌كان ده‌گه‌ڕێته‌وه سه‌ر مێزی گفتوگۆكردن.