(سبه‌ی):
وته‌بێژی حكومه‌تی هه‌رێم رایده‌گه‌یه‌نێت؛ حكومه‌تی هه‌رێم
لە پێناو خزمەتکردنی هاوڵاتیان و زامنکردنی بژێویانی هەرێمی کوردستان، كۆششی ته‌واو
ده‌كات و ده‌شڵێت: حکومەتی هەرێمی کوردستان بە ڕێزەوە دەڕوانێتە کاری پەرلەمانی و
باشترین پەیوەندیشی لە گەڵ دامەزراوە دەستورییەکان و پەرلەمانی کوردستان هەیە.
ئێواره‌ی ئه‌مڕۆ چوارشه‌ممه، جوتیار عادل، وته‌بێژی حكومه‌تی
هه‌رێمی كودرستان رایگه‌یاند: حکومەتی هەرێمی کوردستان، هەوڵ و کۆششی تەواو دەدات
لە پێناو خزمەتکردنی هاوڵاتیان و زامنکردنی بژێویان و دەستەبەرکردنی ئارامی و خزمەتکردنی
سەرجەم چین و توێژەکانی هەرێمی کوردستان.
ئاماژه‌ی بۆ ئه‌وه‌كردوه،
حکومەتی هەرێمی کوردستان بە ڕێزەوە دەڕوانێتە کاری پەرلەمانی و باشترین پەیوەندیشی
لە گەڵ دامەزراوە دەستورییەکان و پەرلەمانی کوردستان هەیە
ده‌قی راگەیەندراوه‌كه‌ی وتەبێژی حکومەتی هەرێمی کوردستان؛
لە کاتێکدا حکومەتی هەرێمی کوردستان، هەوڵ و کۆششی تەواو دەدات
لە پێناو خزمەتکردنی هاوڵاتیان و زامنکردنی بژێویان و دەستەبەرکردنی ئارامی و خزمەتکردنی
سەرجەم چین و توێژەکانی هەرێمی کوردستان. بەڵام بەداخەوە کەسانێک هەن خۆیان بە نوێنەری
گەل دەزانن، کەچى دەستەواژەی نەشیاو و دور لە کاری پەرلەمانی و سیاسى بە کار دەهێنن
و ڕەفتاری نابەجێ ئەنجام دەدەن وەک ئەوەی بەداخەوە ئەمڕۆ لە دانیشتنی پەرلەمانی
کوردستان بینیمان کە ئامانج لێی تەنیا خۆدەرخستن و دروستکردنى ڕق و نانەوەی پشێوییە.
حکومەتی هەرێمی کوردستان بە ڕێزەوە دەڕوانێتە کاری پەرلەمانی
و باشترین پەیوەندیشی لە گەڵ دامەزراوە دەستورییەکان و پەرلەمانی کوردستان هەیە.
چاوەڕوانى ئەوەشى هەیە پەرلەمانتاران لە چوارچێوەی یاسا و ڕێساکاندا، هەڵسوکەوت بکەن
و بەرگری لە مافی هەمو چین و توێژەکانی کۆمەڵگا بکەن.
د.جوتیار عادل
وتەبێژى حکومەتى هەرێمى کوردستان
٢٠٢١/٣/٣١