(سبه‌ی)

له‌ سبه‌ینێ رۆژی پێنجشه‌ممه‌‌ ‌(2021/3/31) تا رۆژی شه‌ممه‌ (2021/4/10) پێش هاتنی مانگی ره‌مه‌زانی پیرۆز سەرجەم شوێنە ئاینیەکان، مزگەوت، تەکیە، کلێسا، پەرستگا و هەمو شوێنە ئاینیەکانی دیكه‌ داده‌خرێن.

ئه‌مڕۆ چوار شه‌ممه‌، وه‌زاره‌تی ئه‌وقاف و كاروباری ئاینی هه‌رێم بڵاویكرده‌وه‌؛ ئاماژە بە کۆبونەوەی لیژنەی باڵای بەرەنگاربونەوەی ڤایرۆسی کۆرۆنا لەڕێکەوتی (2021/3/30)، به‌هۆی زیادبونی ژماره‌ی توشبوان و گیانله‌ده‌ستدان به‌ كۆرۆنا له‌ سبه‌ینێ رۆژی پێنجشه‌ممه‌‌ ‌(2021/3/31) تا رۆژی شه‌ممه‌ (2021/4/10) پێش هاتنی مانگی ره‌مه‌زانی پیرۆز سەرجەم شوێنە ئاینیەکان، مزگەوت، تەکیە، کلێسا، پەرستگا و هەمو شوێنە ئاینیەکانی دیكه‌ داده‌خرێن.

ئاماژه‌ی بۆ ئه‌وه‌شكردوه‌، ڕێگە بەھیچ بۆنە و کۆبونەوەیەکی ئایینی وکۆمەڵایەتی لە ناوە و دەرەوەی ئەم شوێنانە نادرێت، داوا لەمامۆستایانی ئاینی و نوێژخوێنان و ئاینەکانی دیكه‌ دەکەن، لەپێناو پاراستنی تەندروستی و گیانی ھاوڵاتیانی بە ئەرکی خۆیان ھەڵستن.

ده‌قی راگه‌یه‌ندراوه‌كه‌ی وه‌زاره‌تی ئه‌وقاوف و كاروباری ئاینی؛

ئاماژە بە کۆبونەوەی لیژنەی باڵای بەرەنگاربونەوەی ڤایرۆسی کۆرۆنا لەڕێکەوتی ٣٠⁄ ٣⁄ ٢٠٢١، لەبەر زیادبونی ڕێژەی توشبون و مردن بە ڤایرۆسی کۆڕۆنا لە هەرێمی کوردستان، وە لەپێناو بەرژەوەندی و سەلامەتی و پاراستنی گیانی ھاوڵاتیانی ئازیز و خۆشەویست.

بڕیار درا:
سەرجەم شوێنە ئاینیەکان لە (مزگەوت و تەکیە و کلێسا و پەرستگا و هەمو شوێنە ئاینیەکانی تر) لە ڕۆژی پێنجشەممە ( ٢٠٢١/٤/١) تاوەکو ڕۆژی شەممە (٢٠٢١/٤/١٠) پێش ھاتنی مانگی ڕەمەزانی پیرۆز دابخرێن و ڕێگە بەھیچ بۆنە و کۆبونەوەیەکی ئایینی وکۆمەڵایەتی لە ناوە و دەرەوەی ئەم شوێنانە نادرێت، ھاوشێوەی ناوەندەکانی خوێندن و شوێنەکانی تر کەماوەی زیاتر لە سێ ھەفتەیە داخراون، داوا لەمامۆستایانی بەڕێزی ئایینی پیرۆزی ئیسلام و نوێژخوێنان و ئاینەکانی تردەکەین، لەپێناو پاراستنی تەندروستی و گیانی ھاوڵاتیانی ئازیز بە ئەرکی خۆیان ھەڵسن.

لیژنەی باڵای بەرەنگاربونەوەی کۆرۆنا

٣١ ئازار ٢٠٢١