(سبەى):
زۆرینەى کەسەکان لە ناوچە جیاجیاکانى جیهان، بەهۆى
بڵاوبونەوەى ڤایرۆسى کۆرۆنا و مانەوەیان لە ماڵەکانیان و وەستانى کارەکانیان روبەڕوى
خەمۆکى و دڵتەنگى بونەتەوە.
بەم هۆیەوە نەتەوە یەکگرتوەکان هەڵسەنگاندنێکیان
بۆ ئەو وڵاتانە کردوە کە لە سەردەمى کۆرۆنادا ژیان تیایاندا باشتر بوە و خەڵکەکەى
دڵخۆشتر بون سەربارى ئەو کێشە و ئاستەنگانەى بەهۆى ڤایرۆسەکەوە روبەڕویان بوەتەوە.
بەپێى هەڵسەنگاندنەکانى نەتەوە یەکگرتوەکان فینلەندا
باشترین وڵات بوە لە سەردەمى کۆرۆنادا و "دڵخۆشترین وڵات"یش بوە.
ئاماژە بۆ ئەوەکراوە کە لە فینلەندا رێزى
ئازادى کەسەکان گیراوە و ئاستى بژێوى لە وڵاتەکە بەرزکراوەتەوە و خزمەتگوزارییەکان
زیادکراون.
هۆیەکى دیکە کە وایکردوە هاوڵاتیانى فینلەندا دڵخۆشتربن
ئەوە بوە کە حکومەتى وڵاتەکەى لە کاتى قەدەغەى هاتوچۆدا رێگایان پێدراوە سەردانى
ناوچە سروشتییەکان بکەن.