(سبەى):
ژمارەى کوژراو و بریندارانى روداوى تەقەکردنەکەى شارى ئۆترێختى هۆڵەندا بۆ (11) کەس بەرز بوەوە و
پۆلیسیش بەدواى هاوڵاتییەکى تورکى تەمەن (37) ساڵدا دەگەڕێت بە گومانى ئەنجامدەرى
هێرشەکە.
سەرۆکى شارەوانى شارى
ئۆترێختى هۆڵەندا رایگەیاند لە ئەنجامى روداوى تەقەکردنەکەى ئەمرۆ سێ کەس گیانیان
لەدەستداوە و نۆ کەسى دیکەش برینداربون و لەژێر چاودێرى پزیشکدان.
لاى خۆیەوە مارک رۆتییە ، سەرۆک
وەزیرانى ئەو وڵاتە رایگەیاند؛ پۆلیس و لایەنە پەیوەندیدارەکان کارى خۆیان ئەنجام
دەدەن، بەڵام بەدورى نازانین پاڵنەرى تیرۆریستى لە پشت روداوکەوە بێت و بەدواى ئەنجامدەرى
هێرشەکەون".
دواى
ئەوەى لە ترامێکى شارەکە لەلایەن کەسێکەوە هێرشى چەکدارى ئەنجامدرا و کوژراو و
بریندارى لێکەوتەوە، پۆلیسى ئەو وڵاتە ناسنامەى ئەو کەسەى راگەیاند کە دەیانەوێت
دەستگیرى بکەن و بە ئەنجامدەرى هێرشەکەى لەقەڵەم دەدەن، ئەویش کەسێکى بەرەچەڵەک
تورکى تەمەن (37) ساڵە بەناوى گۆکمان تانیس.
