(سبه‌ی):
داهێنه‌ری كاسێتی ده‌نگ
له ته‌مه‌نی (94) ساڵیدا كۆچی دواییكرد.
ئه‌مڕۆ پێنجشه‌ممه،
رۆژنامه‌ی ده‌یلی مه‌یلی به‌ریتانی بڵاویكرده‌وه، لو ئۆتینزی هۆڵه‌ندی داهێنه‌ری كاسێتی
ده‌نگ له ته‌مه‌نی (94) ساڵیدا و له ناوچه‌ی دوزێل، هه‌فته‌ی پێشو كۆچی دواییكرد.
رونیكردوه‌ته‌وه:
بۆ یه‌كه‌مجار و له ته‌مه‌نی (37) ساڵی له پێشانگایه‌كی ئامێره ئه‌لیكترۆنییه‌كان
له ئه‌ڵمانیا كاسێته ده‌نگییه‌كه‌ی
نمایشكردوه، له‌و رۆژه‌وه تا ئێستا له جیهاندا زیاتر له (100) ملیۆن دانه‌ی لێفرۆشراوه.
ئه‌وه‌ی
خستوه‌ڕو: له دوای ساڵی (1963) بۆ گوێگرتن له مۆسیقا ژماره‌یه‌كی زۆر خه‌ڵك كاسێتی
به‌كارده‌هێنا و داهێنه‌ره‌كه‌شی گرێبه‌ستی له‌گه‌ڵ هه‌ردو كۆمپانیای فیلپس و سۆنی
بۆ پاراستنی خاوه‌ندارێتی به‌رهه‌مهێنانی
كاسێته‌كه‌ی كردوه.
رۆژنامه‌كه ئاماژه‌ی
به‌وه‌شكردوه؛ لو ئۆوتێنز، له هه‌شتاكانی سه‌ده‌ی رابردو به‌شداری له داهێنانی (CD)دا كردوه كه زیاتر له (200) ملیار دانه‌ی له جیهاندا لێفرۆشراوه.